துபாயில் குறையும் வேலைவாய்ப்பு - நாடு திரும்பும் வெளிநாட்டினர்

இந்தியா உள்ளிட்ட பல்வேறு நாடுகளைச் சேர்ந்தவர்களுக்கு வேலைவாய்ப்பை அள்ளித் தந்த துபாயில் திடீரென வேலைவாய்ப்புகள் மாயமாக மறைந்து விட்டன.

மிகவும் வேகமாக பலர் வேலையை இழந்து சொந்த நாடுகளுக்குத் திரும்பக்கூடிய நிலையும் ஏற்பட்டுள்ளது. துபாயில் வர்த்தகம் பெருகிக் கொண்டிருந்த போதும் கடந்த பத்தாண்டுகளில் மத்திய கிழக்கு நாடுகளின் பொருளாதார நிலையால் துபாயின் எண்ணெய் நிறுவனங்கள் அல்லாத இதர தொழில்களில் தொய்வு ஏற்பட்டுள்ளது.

கடந்த மூன்று மாதங்களில் நிலைமை மிகவும் மோசம் அடைந்துள்ளது. மொத்த விற்பனை முதல் சில்லரை விற்பனை வரை , கட்டுமானத் தொழில் உள்ளிட்ட பல தொழில்கள் நலிவடைந்துள்ளன. இந்த நிலைமை உடனடியாக மாறக்கூடிய சூழல் தென்படவில்லை என்றும் பொருளாதார வல்லுநர்கள் தெரிவித்துள்ளனர்.