டெல்லி தேர்தலில் மண்ணை கவ்விய காங்கிரஸ் வேட்பாளர்கள்

டெல்லி சட்டப்பேரவைத் தேர்தலில் காங்கிரஸ் கட்சியின் சார்பில் நிறுத்தப்பட்ட 63 வேட்பாளர்கள் டெபாசிட் இழந்துள்ளனர்.

ராஷ்டிரிய ஜனதா தளத்துடன் கூட்டணி அமைத்து போட்டியிட்ட காங்கிரஸ் 66 இடங்களில் வேட்பாளர்களை நிறுத்தியது. ஆனால் தேர்தல் ஆணையத்தின் கடைசி நேர நிலவரப்படி அதன் 63 வேட்பாளர்கள் டெபாசிட்டை இழந்து விட்டனர். கூட்டணிக் கட்சியான ராஷ்டிரிய ஜனதா தளத்தின் 4 வேட்பாளர்களில் ஒருவர் மட்டுமே ஆயிரத்திற்கும் அதிகமான  வாக்குகளைபெற்றுள்ளார்.

இந்த 4 பேரும் டெபாசிட் இழக்கின்றனர். பதிவான வாக்குகளில் ஆறில் ஒரு பங்கு வாக்குகளைப் பெற்றால் மட்டுமே ஒரு வேட்பாளருக்கு டெபாசிட் தொகை திரும்பக் கிடைக்கும். ஆனால் காங்கிரஸ் மொத்தம் 4 சதவிகித வாக்குகளை மட்டுமே பெற்றுள்ளது. 2003 ல் ஷீலா தீட்சித் தலைமையில் டெல்லி தேர்தலை சந்தித்த காங்கிரஸ் 50 சதவிகிதத்திற்கும் அதிகமான வாக்குகளைப் பெற்றது குறிப்பிடத்தக்கது.