நகைக்கடையில் சிறுக சிறுக ஒரு கிலோ தங்கம் திருடியதாக ஊழியர் கைது

கடலூரில் நகைக்கடையில் இருந்து சிறுக சிறுக ஒரு கிலோ தங்கத்தை திருடி அடகு வைத்து ஆடம்பர செலவு செய்ததாக கடை ஊழியரை போலீசார் கைது செய்தனர்.

திருப்பாதிரிப்புலியூரியில் உள்ள பிரபல நகைக்கடையில் கடந்த சில ஆண்டுகளாக வேலை செய்து வரும் கலைச்செல்வன், ஓராண்டாக வார விடுமுறைக்கூட எடுக்காமல் பணிக்கு வந்துள்ளார். இதனால் சந்தேகமடைந்த உரிமையாளர், கடையில் சோதனை செய்தபோது ஒரு கிலோ தங்கம் நகைகள் மாயமானது தெரியவந்தது.

இதையடுத்து அவர் அளித்த புகாரின்பேரில் போலீசார் கலைச்செல்வனை பிடித்து விசாரணை நடத்தினர். அதில், கடையில் இருந்து ஒவ்வொரு நகையாக திருடிச் சென்று கூத்தப்பாக்கத்தில் உள்ள பைனான்ஸ் கடையில் அடகு வைத்து அதில் கிடைத்த பணத்தில் ஆரம்பர செலவு செய்ததை கலைச்செல்வன் ஒப்புக்கொண்டதாக போலீசார் தெரிவித்தனர்.

இதையடுத்து அடகுவைக்கப்பட்ட கடையில் இருந்து 97 சவரன் நகைகளை மீட்ட போலீசார், இரண்டு இருசக்கர வாகனங்கள் மற்றும் டிவியையும் பறிமுதல் செய்தனர்.

Watch Polimer News Online at https://bit.ly/2Qrv39p