சென்னை தியாகராயநகரில் சாலையில் நடை பயிற்சியில் ஈடுபட்டிருந்த பெண்ணிடம் மோட்டார் சைக்கிளில் வந்து 2 பேர் தங்க சங்கிலியை பறிக்க முயன்ற சிசிடிவி காட்சிகள் வெளியாகியுள்ளன.
தியாகராய நகர், ராஜம்பாள் தெருவில் வசிக்கும் சத்யநாராயணன் என்பவரது மனைவியான சாந்தலா நேற்று காலை 7.15 மணிக்கு ஜிஎன் செட்டி சாலையில் நடை பயிற்சியில் ஈடுபட்டிருந்தார். பின்பக்கமாக மோட்டார் சைக்கிளில் வந்த 2 பேர் திடீரென கழுத்தில் கிடந்த சங்கிலியை பிடித்து இழுத்தனர். இதில் சங்கிலி பிடித்து இழுக்கப்பட்ட வேகத்தில் சாந்தலா சிறிது தூரம் தூக்கி வீசப்பட்டார்.
புகாரின்பேரில், சிசிடிவி காட்சிகள் அடிப்படையில் சங்கிலி பறிப்பில் ஈடுபட்ட 2 பேரை போலீசார் தேடி வருகின்றனர்.