திருப்பத்தூர் மாவட்டம் ஆம்பூர் அருகே நிலத்தகராறில் கணவரின் அண்ணனை வெட்டிக் கொன்ற பெண்ணை போலீசார் கைது செய்தனர்.
ஆம்பூரை அடுத்த கம்மகிருஷ்ணபள்ளியைச் சேர்ந்த வெங்கடேசன் மற்றும் அவரது அண்ணன் முருகேசன் இடையே நிலத்தகராறு காரணமாக முன் விரோதம் இருந்து வந்தது. இந்நிலையில் நேற்றிரவு இருதரப்புக்கும் இடையே ஏற்பட்டதகராறின்போது வெங்கடேசன் மனைவி சித்ரா, அரிவாளால் முருகேசன் மற்றும் அவரது மனைவி விஜயாவை சரமாரியாக வெட்டியுள்ளார்.
இதில் சம்பவ இடத்திலேயே முருகேசன் உயிரிழந்த நிலையில், விஜயா படுகாயங்களுடன் வேலூர் மருத்துவமனையில் சிகிச்சைக்காக அனுமதிக்கப்பட்டுள்ளார்.
தகவலின்பேரில் சம்பவ இடம் வந்து சடலத்தை கைப்பற்றிய போலீசார், சித்ராவை கைது செய்து விசாரணை நடத்தி வருகின்றனர்.