நாடு முழுவதும் பெட்ரோல், டீசல் விலை தொடர்ந்து 8-வது நாளாக அதிகரித்துள்ளது. இன்று ஒரே நாளில் அதிகபட்சமாக பெட்ரோல் லிட்டருக்கு 64 காசுகளும், டீசல் லிட்டருக்கு 66 காசுகளும் உயர்ந்துள்ளன.
கடந்த 7-ம் தேதி முதல் பெட்ரோல், டீசல் விலை சுமார் 4 ரூபாய் 50 காசுகள் அளவுக்கு அதிகரித்துள்ளது. டெல்லியில் ஒரு லிட்டர் பெட்ரோல் 75 ரூபாய்க்கும், டீசல் 74 ரூபாய்க்கும் விற்பனை செய்யப்படுகிறது.
மும்பையில் பெட்ரோல் லிட்டருக்கு 82 ரூபாய் 70 காசுகளுக்கும், டீசல் 72 ரூபாய் 64 காசுகளுக்கும் விற்பனையாகிறது. சென்னையில் நேற்றைய விலையை விட தலா 54 காசுகள் உயர்ந்து, பெட்ரோல் 79 ரூபாய் 53 காசுகளுக்கும், டீசல் 72 ரூபாய் 18 காசுகளுக்கும் விற்பனையாகிறது.