மேன் வர்சஸ் வைல்ட் ((Man vs Wild)) என்ற தொலைக்காட்சித் தொடர் படப்பிடிப்புக்காக கர்நாடக மாநிலம் பாண்டிபுர் வனப்பகுதிக்கு சென்ற நடிகர் ரஜினிகாந்த் நேற்றிரவு சென்னை திரும்பினார்.
தொலைக்காட்சி நடிகர் பியர் கிரில்ஸ் ((Bear Grills)) காட்டுப் பகுதிக்குள் ஏற்கனவே பிரதமர் மோடியை வைத்து படப்பிடிப்பை நடத்தியவர் .அவருடைய தொடரில் பங்கேற்கும் இரண்டாவது இந்தியர் ரஜினிகாந்த் ஆவார். தொலைக்காட்சி நிகழ்ச்சியின் இரண்டு நாள் படப்பிடிப்புக்காக ரஜினி காட்டுக்கு சென்றார். அடர்காட்டுக்குள் படப்பிடிப்பின் போது ரஜினிக்கு காயம் ஏற்பட்டதாக தகவல் வெளியானது.
இந்நிலையில், சென்னை விமான நிலையத்தில் செய்தியாளர்களிடம் பேசிய ரஜினிகாந்த், தமக்கு காயம் ஏதுமில்லை என்றும் முள் குத்தியதாகவும் தெரிவித்தார்.