சூர்யா நடிப்பில் உருவாகி வரும் சூரரை போற்று திரைப்படத்தின் டீஸர் அண்மையில் வெளியாகி ரசிகர்களிடையே பாராட்டை பெற்றது. இதனால் படத்தின் மீதான எதிர்பார்ப்பும் அதிகரித்துள்ளது. இந்நிலையில் இப்படத்தில் சூர்யாவின் குரலில் ரெடியாகி வரும் MaaraTheme என்ற பாடல் விரைவில் வெளியிடப்படும் என அறிவிக்கப்பட்டுள்ளது.
Sudha Kongara இயக்கத்தில் நடிகர் சூர்யாவின் 2D Entertainment நிறுவனம் இந்த திரைப்படத்தை தயாரித்து வருகிறது. இந்த படத்திற்கு ஜி.வி.பிரகாஷ் இசை அமைத்துள்ளார். கோடைவிடுமுறை துவங்கும் ஏப்ரல் மாதத்தில், சூரரை போற்று படத்தை திரைக்கு கொண்டுவர திட்டமிடப்பட்டுள்ளது.
இந்நிலையில் ட்விட்டர் பக்கத்தில் இந்த திரைப்படத்தில் இடம்பெற உள்ள தீம் பாடல் ஒரு வாரத்தில் வெளியிடப்படும் என இசையமைப்பாளர் ஜி.வி.பிரகாஷ் கூறியுள்ளார்.
https://twitter.com/gvprakash/status/1219194540621348864
சூர்யா நரம்பு புடைக்க மிரட்டலான குரலில் 10 வினாடிகள் பாடும் வீடியோவை வெளியிட்டுள்ள ஜி.வி, #MaaraTheme releasing in a week என கூறியுள்ளார். சூரரை போற்று திரைப்படத்தில் சூர்யாவின் கதாபாத்திரத்தின் பெயர் நெடுமாறன் ராஜாங்கம். எனவே தீம் பாடலை MaaraTheme என ஜி.வி.பிரகாஷ் குறிப்பிட்டுள்ளார்.