வெற்றி மாறன் இயக்கத்தில் விரைவில் நடிகர் சூர்யா நடிக்க உள்ள திரைப்படத்திற்கு "வாடிவாசல்" என பெயரிடப்பட்டுள்ளது. திரைப்படவிழா ஒன்றில் பங்கேற்ற வெற்றிமாறன் இதனை அதிகாரப்பூர்வமாக அறிவித்துள்ளார்.
இளைஞர்கள் மற்றும் மக்களின் தன்னெழுச்சி புரட்சி காரணமாக மீண்டும் நடைபெற்று வரும் ஜல்லிக்கட்டு தொடர்பான திரைப்படமாக இது உருவாகும் என எதிர்பார்க்கப்படுகிறது. படத்தின் பெயரே வாடிவாசல் என வைக்கப்பட்டுள்ளதும், வெற்றிமாறன் - சூர்யா முதல் முறையாக இணைந்திருப்பதும் படத்தின் மீதான எதிர்பார்ப்பை எகிற வைத்துள்ளது. இந்த படத்தை கலைப்புலி எஸ்.தாணு தயாரிக்கிறார்.
தனுஷை வைத்து வெக்கை நாவலை தழுவி வெற்றிமாறன் எடுத்த அசுரன் திரைப்படம் மிக பெரிய வெற்றி பெற்றது. இந்நிலையில் வாடிவாசல் திரைப்படமும் நாவல் ஒன்றை மையமாக வைத்தே எடுக்கப்பட உள்ளதாக தெரிகிறது. வாடிவாசல் என்ற பெயரில் மறைந்த எழுத்தாளர் சி.எஸ்.செல்லப்பா, 1959-ம் ஆண்டில் குறுநாவல் ஒன்றை வெளியிட்டார். இதனை மையமாக கொண்டே சூர்யாவை வைத்து வெற்றிமாறன் படம் இயக்க உள்ளதாக கூறப்படுகிறது.
Watch Polimer News Online at https://bit.ly/2Qrv39p