’மாஸ்டர்’ பட சாதனையை முறியடித்த ’பீஸ்ட்’

நடிகர் விஜய் நடித்து வரும் பீஸ்ட் படத்தின் பர்ஸ்ட் லுக் போஸ்டர் டுவிட்டரில் புதிய சாதனையை படைத்துள்ளது.

விஜய் நடிப்பில் நெல்சன் இயக்கும் பீஸ்ட் படத்தின் பர்ஸ்ட் லுக் போஸ்டர் நேற்று முன்தினம் வெளியிடப்பட்டது. ரசிகர்களிடம் வரவேற்பை பெற்ற இந்த போஸ்டர், வெளியிடப்பட்ட 24 மணி நேரத்தில் 2 லட்சத்து 78 ஆயிரம் லைக்குகளை பெற்று இந்திய அளவில் அதிக லைக்குகளை பெற்ற பர்ஸ்ட் லுக் போஸ்டர் என்ற சாதனையை படைத்துள்ளது.

இதற்கு முன் விஜய்யின் மாஸ்டர் படத்தின் பர்ஸ்ட் லுக் போஸ்டர் 2 லட்சத்து 71 ஆயிரம் லைக்குகள் பெற்றதே சாதனையாக இருந்த நிலையில், அந்த சாதனை முறியடிக்கப்பட்டுள்ளது.