மாரி - 2 திரைப்படத்தில் இடம்பெற்ற ரவுடி பேபி பாடல் யுட்யூப் தளத்தில் 100 கோடி பார்வைகளை பெற்று சாதனை படைத்துள்ளது.
யுவன் ஷங்கர் ராஜா இசையில், நடிகர் தனுஷ் எழுதி பாடியதுடன் சாய் பல்லவியுடன் நடனமாடிய இந்த பாடல் வெளியான நாள் முதலே ரசிகர்களிடம் மிகப்பெரிய வரவேற்பை பெற்றது. இந்நிலையில் தற்போது யூட்யூபில் 100 கோடி முறை பார்க்கப்பட்ட முதல் தென்னிந்திய பாடல் என்ற சாதனையை ரவுடி பேபி படைத்துள்ளது.
இது குறித்து டுவிட்டரில் பதிவிட்ட தனுஷ், ஒய் திஸ் கொலவெறிடி வெளியான 9வது ஆண்டு தினத்தில் ரவுடி பேபி பாடல் இந்த சாதனையை படைத்திருப்பது மகிழ்ச்சி அளிப்பதாக குறிப்பிட்டுள்ளார்.