போதைப்பொருள் வழக்கு: நடிகைகள் ராகிணி திவேதி, சஞ்சனா கல்ராணியின் ஜாமீன் மனுக்கள் தள்ளுபடி

போதைப்பொருள் வழக்கில் கன்னட நடிகைகள் ராகிணி திவேதி, சஞ்சனா கல்ராணி ஜாமீன்கோரி தாக்கல் செய்த மனுக்களை கர்நாடக உயர்நீதிமன்றம் தள்ளுபடி செய்தது.

பெங்களூரு பரப்பன அக்ரஹாரா சிறையில் அடைக்கப்பட்டுள்ள 2 பேரும், ஜாமீன்கோரி தாக்கல் செய்த மனுக்களை சிறப்பு நீதிமன்றம் ஏற்கெனவே 5 முறைக்கு மேல் தள்ளுபடி செய்தது. இதையடுத்து உயர்நீதிமன்றத்தில் அவர்கள் 2 பேரும், ஜாமீன்கோரி மனுக்களை தாக்கல் செய்தனர்.

அந்த மனுக்கள் மீது விசாரணை நடைபெற்றபோது, 2 பேருக்கும் ஜாமீன் வழங்கினால், தடயங்களை அழிக்க வாய்ப்பு உள்ளதாக அரசு தரப்பில் கூறப்பட்டது. இருதரப்பு வாதங்களையும் கேட்ட நீதிபதி, 2 பேரின் மனுக்களையும் தள்ளுபடி செய்தார். இதேபோல், போதைப் பொருள் விற்பனையாளர் பிரசாந்த் ரங்காவின் மனுவும் தள்ளுபடி செய்யப்பட்டது.