மும்பையில் கடந்த ஜூன் மாதம் மர்மமான முறையில் உயிரிழந்த இந்தி நடிகர் சுசாந்த் சிங் ராஜ்புத்தை போல அச்சு அசலாக மெழுகு சிலை ஒன்றை மேற்குவங்க சிற்ப கலைஞர் ஒருவர் உருவாக்கியுள்ளார்.
அசோன்சோலை சேர்ந்த சிற்ப கலைஞரான சுகந்தோ ராய், சுசாந்த் சிங்கின் ரசிகர் ஆவார். ஏற்கெனவே அமிதாப் பச்சன், விராட் கோலியின் மெழுகு சிலைகளை உருவாக்கி தனது அருங்காட்சியகத்தில் வைத்துள்ள ராய், தற்போது சுசாந்த்தை போலவே சிலையை உருவாக்கி பார்வைக்கு வைத்துள்ளார்.
அந்த அருங்காட்சியகத்துக்கு வரும் மக்கள், சுசாந்தின் மெழுகு சிலையை கண்டு ஆச்சரியமடைந்து அதன் அருகே நின்று புகைப்படங்களை எடுத்து செல்கின்றனர்.