கொரோனாவுக்கு சிகிச்சை பெறும் பின்னணி பாடகர் எஸ்பி பாலசுப்பிரமணியம் குணமாக வேண்டி நாளை மாலை அனைவரும் பிரார்த்தனை நடத்தக்கோரி திரைப்பட இயக்குனரும், நடிகர் விஜய்யின் தந்தையுமான எஸ்.ஏ. சந்திரசேகர் வீடியோ வெளியிட்டுள்ளார்.
அந்த வீடியோவில் பேசியுள்ள அவர், எஸ்பி பாலசுப்பிரமணியம் உடல்நிலை கவலைக்கிடமாக இருப்பதாக மருத்துவர்கள் கூறியிருப்பதாகவும், ஆனால் மருத்துவர்களை மிஞ்சிய சக்தி இறைசக்தி என்பதால், இறைவனை நோக்கி அனைவரும் நாளை பிரார்த்தனை நடத்தினால் எஸ்பிபி குணமாகி திரும்புவார் என்றும் கூறியுள்ளார்.