திரைப்பட தயாரிப்பாளர் சங்க தேர்தலை, செப்.30க்குள் நடத்தி முடித்து அறிக்கை தாக்கல் செய்ய உயர்நீதிமன்றம் உத்தரவு

தமிழ் திரைப்பட தயாரிப்பாளர் சங்க தேர்தலை செப்டம்பர் 30ம் தேதிக்குள் நடத்தி முடித்து அறிக்கை தாக்கல் செய்ய சிறப்பு அதிகாரிக்கு உயர்நீதிமன்றம் உத்தரவிட்டுள்ளது.

இதுதொடர்பான வழக்கை விசாரித்த நீதிபதி ஜெயச்சந்திரன், ஜூன் 30-க்குள் தயாரிப்பாளர் சங்க தேர்தலை நடத்தி முடித்து, ஜூலை 30-க்குள் அறிக்கை தாக்கல் செய்யுமாறு, சிறப்பு அதிகாரியான ஓய்வுபெற்ற உயர்நீதிமன்ற நீதிபதிக்கு உத்தரவிட்டார்.

இந்நிலையில், தேர்தல் காலக்கெடுவை நீட்டிக்கக்கோரி தயாரிப்பாளர் சங்கம் தொடர்ந்த வழக்கை விசாரித்த உயர்நீதிமன்ற நீதிபதி செந்தில்குமார் ராமமூர்த்தி, செப்டம்பர் 30ம் தேதிக்குள் தேர்தலை நடத்தி முடித்து, அதுகுறித்து சிறப்பு அதிகாரி அக்டோபர் 30ம் தேதிக்குள் அறிக்கை தாக்கல் செய்ய உத்தரவிட்டுள்ளார்.

திரைப்பட தயாரிப்பாளர் சங்க நிர்வாகிகளின் பதவிக்காலம் கடந்த 2019 ஏப்ரல் 30-ம் தேதியுடன் முடிவடைந்ததால் நிர்வாகப் பணிகளை மேற்கொள்ள தனி அதிகாரி நியமிக்கப்பட்டுள்ளது குறிப்பிடத்தக்கது.