நடிகர் விக்ரம் 7 கெட் அப்புகளில் நடிக்கும் கோப்ரா படத்தின் பர்ஸ்ட் லுக் வெளியாகி, ரசிகர்களை பிரம்மிப்பில் ஆழ்த்தியுள்ளது.
டிமாண்டி காலனி, இமைக்கா நொடிகள் படங்களை இயக்கிய அஜய் ஞானமுத்து இயக்கத்தில், நடிகர் விக்ரம் நடித்து வரும் கோப்ரா படத்தில், கிரிக்கெட் வீரர் இர்பான் பதான், இயக்குநர் கே.எஸ்.ரவிக்குமார், ஸ்ரீநிதி ஷெட்டி ஆகியோர் முக்கிய பாத்திரங்களில் நடிக்கின்றனர்.
இந்த படத்திற்கு, ஏ.ஆர்.ரஹ்மான் இசையமைக்கிறார். தமிழ், தெலுங்கு, இந்தி ஆகிய மொழிகளில் வரும் மே மாதம் வெளியாகும் இந்த படத்தின் பர்ஸ்ட் லுக் நேற்று வெளியானது. அதில் நடிகர் விக்ரம் 7 கெட் அப்புகளில் தோன்றியிருக்கிறார்.