பியர் கிரில்ஸ் உடன் நடிகர் ரஜினிகாந்த் இணைந்து பங்கேற்ற சாகச நிகழ்ச்சி மார்ச் 23 ஆம் தேதி ஒளிபரப்பாகவுள்ளதாக அறிவித்துள்ள டிஸ்கவரி சேனல், மாஸான ப்ரோமோ ஒன்றை வெளியிட்டுள்ளது.
நடிகர் ரஜினிகாந்த் பங்குபெறும் முதல் தொலைக்காட்சி நிகழ்ச்சியான இன் டூ தி வைல்ட்(Into the Wild) படப்பிடிப்பு கடந்த மாதம் கர்நாடகா மாநிலம் பண்டிபுரா வனப்பகுதியில் நடைபெற்றது.
நிகழ்ச்சி எப்போது தொலைக்காட்சியில் ஒளிப்பரப்பாகும் என்று ரசிகர்களிடையே அதிக எதிர்பார்ப்பு நிலவி வந்த நிலையில் இது குறித்த அறிவிப்பை டிஸ்கவரி சேனல் தனது ட்விட்டர் பக்கத்தில் வெளியிட்டுள்ளது.