த்ரிஷாவிடம் இருந்து சம்பளம் பறிக்கப்படும் - டி. சிவா எச்சரிக்கை

பரமபதம் விளையாட்டு பட ப்ரமோசன் நிகழ்ச்சிகளில் கலந்து கொள்ளாவிட்டால், படத்தில் நடித்ததற்கு பெற்ற சம்பளத்தின் ஒரு பகுதியை நடிகை த்ரிஷாவிடம் இருந்து திரும்ப பெற நடவடிக்கை எடுக்கப்படும் என தயாரிப்பாளர் டி. சிவா எச்சரித்துள்ளார்.

28ம் தேதி வெளிவர இருக்கும் அப்படத்தின் ப்ரமோஷன் நிகழ்ச்சி சென்னை ராயப்பேட்டையில் உள்ள சத்யம் திரையரங்கில் நடைபெற்றது.

இதில் நடிகை த்ரிஷா பங்கேற்கவில்லை. இது குறித்து பேசிய தயாரிப்பாளர் டி சிவா, அடுத்த ப்ரமோஷன் நிகழ்ச்சிகளில் த்ரிஷா நிச்சயம் பங்கேற்க வேண்டும் என்று எச்சரிக்கும் தொனியில் பேசினார்.