தமிழகம் முழுவதும் வெள்ளத் தடுப்பு மற்றும் குடிமராமத்து பணிகள் முறையாக நடைபெறுகிறதா என்று கண்காணிக்க திமுகவினருக்கு அக்கட்சியின் தலைவர் மு.க.ஸ்டாலின் வலியுறுத்தியுள்ளார்.
இது தொடர்பான ட்விட்டர் பதிவில், சென்னை அடையாற்றில் கட்டப்பட்டு வரும் வெள்ளத்தடுப்பு சுவர் தரமற்று உள்ளதாக கூறி திமுகவினர் போராட்டம் நடத்தியதை மேற்கோள் காட்டியுள்ள ஸ்டாலின், போராட்டத்தில் ஈடுபட்டவர்களை கைது செய்ததற்கு கண்டனம் தெரிவித்துள்ளார்.
மேலும், தமிழகத்தில் பல்லாயிரம் கோடி செலவில் நடைபெற்று வரும் குடிமராமத்து மற்றும் வெள்ளத்தடுப்பு பணிகள் முறையாக நடக்கிறதா என்று ஆய்வு செய்ய அனைத்து மாவட்ட திமுக நிர்வாகிகளுக்கும் அறிவுறுத்தியுள்ளார்.