இந்திய கிரிக்கெட் அணியின் முன்னாள் கேப்டன் தோனி ஒரு ஆட்டோ மொபைல் பிரியர், பைக்குகள் மற்றும் கார்கள் மீது காதல் கொண்டவர் என்பது அனைவரும் அறிந்த ஒன்று. மேலும் உலகின் புகழ்பெற்ற சில முன்னணி நிறுவனங்களின் கார்கள் மற்றும் பைக்குகளை தன் வசமாக்க அவர் செய்த முயற்சிகள் மறைக்கப்படவில்லை. தோனியிடம் Ferrari 599 GTO, Hummer H2, the GMC Sierra உள்ளிட்ட பல உயர்ரக கார்கள் உள்ளன.
நவீன ரக பைக்குகள், கார்கள் மற்றும் மிக பெரிய வாகனங்களை இயக்கி பலமுறை சமூக ஊடகங்களின் கவனத்தை ஈர்த்துள்ளார் தோனி. இந்நிலையில் தனது கணவரின் பைக் கலெக்ஷன்கள் தொடர்பான வீடியோ மற்றும் புகைப்படங்களை இன்ஸ்டாகிராமில் பகிர்ந்துள்ளார் சாக்ஷி. "Even bikes have a view" என்ற தலைப்பில் தோனியின் அதிநவீன பைக் சேகரிப்பு தொடர்பான காட்சிகளை இன்ஸ்டாகிராம் ஸ்டோரியில் பகிர்ந்தார்.
தற்போது இந்த வீடியோ மற்றும் புகைப்படங்கள் ரசிகர்களால் பகிரப்பட்டு வைரல் ஆகி வருகிறது. இவற்றை பார்த்தால் எந்த ஒரு பைக் பிரியர்களுக்கும் பல இரவுகள் தூக்கம் வராது. அவ்வளவு பைக்குகள் ஷோரூம்களில் நிறுத்தி வைக்கப்பட்டுள்ளது போல அழகாக காட்சியளிக்கின்றன. போட்டோ லொகேஷனில் "தோனி ஃபார்ம் ஹவுஸ் ரிங் ரோடு" என குறிப்பிட்டுள்ளார்.
Watch Polimernews Online : https://bit.ly/35lSHIO