இந்தியா - இலங்கை அணிகளுக்கு எதிரான இரண்டாவது டி- 20 போட்டி, மத்திய பிரதேச மாநிலம் இந்தூரிலுள்ள ஹோல்கர் (holkar) மைதானத்தில் இன்று நடைபெறுகிறது.
இந்தியாவில் சுற்றுப்பயணம் மேற்கொண்டுள்ள இலங்கை அணி 3 டி-20 போட்டிகளில் விளையாடி வருகிறது. கடந்த ஞாயிற்றுக்கிழமை கவுகாத்தியில் இவ்விரு அணிகளுக்கு எதிரான முதல் டி - 20 போட்டி மழை காரணமாக ஒரு பந்துக்கூட வீசப்படாமல் கைவிடப்பட்டது. இந்த நிலையில் இரண்டாவது டி - 20 போட்டி இன்று நடைபெறுகிறது.
தொடரை கைப்பற்ற மீதமுள்ள 2 ஆட்டங்களிலும் வெற்றி பெற வேண்டுமென்பதால், இரு அணிகளும் வெற்றிக்காக போராடும் என எதிர்பார்க்கப்படுகிறது. போட்டி நடைபெறும் இந்தூரில் கடந்த சில தினங்களாகவே மாலையில் பனிப்பொழிவு அதிகமாக பெய்து வருவதால், இது போட்டியில் தாக்கத்தை ஏற்படுத்தும் எனவும் எதிர்பார்க்கப்படுகிறது.
Watch Polimer News Online at https://bit.ly/2Qrv39p