பெண்கள் உலகக் கோப்பையில் ஆஸ்திரேலிய அணி, பலம் வாய்ந்த பிரான்ஸ் அணியை வீழ்த்தி அரையிறுதிக்கு முன்னேறியது.
அதை அந்நாட்டு ரசிகர்கள் உற்சாகத்துடன் கொண்டாடி வருகின்றனர்.
சிட்னி நகரில் நடைபெற்ற காலிறுதிப் போட்டியில், ஆஸ்திரேலிய அணி, பிரான்ஸ் அணியை பெனால்டி ஷூட்- அவுட்டில் ஏழுக்கு-ஆறு என்ற கோல் கணக்கில் வீழ்த்தியது.
நியூ சவுத் வேல்ஸ் மாகாண அரசு சார்பில் ஏற்பாடு செய்யப்பட்டிருந்த பிரம்மாண்ட திரைகளில் போட்டியை கண்டுகளித்த உள்ளூர் ரசிகர்கள், முதல்முறையாக ஆஸ்திரேலியப் பெண்கள் அணி அரையிறுதிக்கு முன்னேறியதை, ஆட்டம், பாட்டத்துடன் கொண்டாடினர்.