ஓடும் ரயிலில் இருந்து குதித்த பெண்... ரயிலுக்கும், தண்டவாளத்திற்கும் இடையே விழ இருந்தவரை விரைந்து காப்பாற்றிய ஆர்.பி.எப். வீரர்

மேற்கு வங்காளம் புருலியா ரயில் நிலையத்தில் ஓடும் ரயிலில் இருந்து குதித்து தண்டவாளத்தின் இடையே விழ இருந்த பெண்ணை ரயில்வே பாதுகாப்புப் படை வீரர் விரைந்து காப்பாற்றும் சிசிடிவி காட்சிகள் வெளியாகி உள்ளன.

வேகமாக சென்று கொண்டு இருந்த சந்திரகாச்சி ஆனந்த் விகார் எக்ஸ்பிரஸ் ரயிலில் இருந்து 2 பெண்கள் கீழே குதித்தனர். இதில் ஒருவர் பிளாட்பார்மில் விழுந்த நிலையில், மற்றொரு பெண் நிலை தடுமாறி ரயிலுக்கும் தண்டவாளத்திற்கும் இடையே விழச் சென்றார்.

இதைக் கண்ட ஆர்.பி.எப். வீரர் பப்லு குமார் விரைந்து சக பயணிகளின் உதவியுடன் பெண்ணை பத்திரமாக மீட்டார். வீடியோ இணையத்தில் வெளியாகி வேகமாக பரவி வருகிறது.