ஐ.பி.எல். டி20 கிரிக்கெட் தொடரில், 32-வது லீக் ஆட்டத்தில் ராஜஸ்தான் ராயல்ஸ் அணியும் பஞ்சாப் கிங்ஸ் அணியும் பலப்பரீட்சை நடத்துகின்றன.
சஞ்சு சாம்சன் தலைமையிலான ராஜஸ்தான் அணி 3 வெற்றி, 4 தோல்வியுடன் புள்ளிப்பட்டியலில் 6-வது இடத்திலும், கே.எல்.ராகுல் தலைமையிலான பஞ்சாப் அணி 3 வெற்றி, 5 தோல்வியுடன் 7-வது இடத்திலும் உள்ளது. நடப்பு சீசனில் மும்பையில் நடைபெற்ற லீக் ஆட்டத்தில் பஞ்சாப் அணி 4 ரன்கள் வித்தியாசத்தில் ராஜஸ்தானை வீழ்த்தியதால், முந்தைய தோல்விக்கு பதிலடி கொடுக்க ராஜஸ்தான் அணியினர் தீவிர வலைபயிற்சியில் ஈடுபட்டுள்ளனர்.
இவ்விரு அணிகளுக்கு இடையிலான போட்டி துபாய் மைதானத்தில் இந்திய நேரப்படி இரவு 7.30 மணிக்கு தொடங்குகிறது.