ருதுராஜ் கைக்வாட் அதிரடி....பவுலர்களின் அசத்தல் பந்துவீச்சு... மும்பையை வீழ்த்தி சென்னை அணி வெற்றி..!

ஐ.பி.எல். கிரிக்கெட் போட்டியில் மும்பை அணிக்கு எதிரான ஆட்டத்தில் 20 ரன்கள் வித்தியாசத்தில் சென்னை அணி வெற்றி பெற்றது.

டாஸ் வென்று முதலில் பேட்டிங் செய்த சென்னை அணி 20 ஓவர்களில் 6 விக்கெட் இழப்புக்கு 156 ரன்கள் எடுத்தது. அதிகபட்சமாக தொடக்க வீரர் ருதுராஜ் கைக்வாட் 88 ரன்கள் குவித்தார்.

தொடர்ந்து களமிறங்கிய மும்பை வீரர்கள், சென்னை அணியின் பந்துவீச்சுக்கு ஈடுகொடுக்க முடியாமல் அடுத்தடுத்து ஆட்டமிழந்தனர். 20 ஓவர்களில் மும்பை அணியால் 8 விக்கெட் இழப்புக்கு 136 ரன்கள் மட்டுமே எடுக்க முடிந்தது. சென்னை வீரர் பிராவோ 3 விக்கெட்டுகள் வீழ்த்தினார்.