விளையாட்டுத் துறையின் உயரிய விருதான ராஜீவ் காந்தி கேல் ரத்னா விருதின் பெயர், மேஜர் தயான் சந்த் கேல்ரத்னா என மாற்றப்பட்டுள்ளதாக, பிரதமர் மோடி அறிவித்துள்ளார்.
ஹாக்கி வரலாற்றில் தலைசிறந்த வீரராகக் கருதப்படும் தயான்சந்த், ஒலிம்பிக் போட்டிகளில் 1928, 1932 மற்றும் 1936ஆம் ஆண்டுகளில் இந்திய அணி தங்கம் வெல்வதற்கு காரணமாக இருந்தவர். ஹாக்கி மந்திரவாதி என அழைக்கப்பட்ட இவரது ஆட்டத்தை கண்டு, ஜெர்மன் குடியுரிமையும், ஜெர்மன் ராணுவத்தில் கர்னல் பதவியும் தர ஹிட்லர் முன்வந்ததாகக் கூறப்படுவது உண்டு.
தயான் சந்த் பிறந்த நாள், தேசிய விளையாட்டு தினமாகவும் கடைப்பிடிக்கப்படுகிறது. இவரது பெயரை கேல்ரத்னா விருதுக்கு வைக்குமாறு பொதுமக்களிடம் இருந்து கோரிக்கைகள் வந்ததாகவும், அவர்களது உணர்வுகளுக்கு மதிப்பளித்து பெயர் மாற்றப்படுவதாகவும் பிரதமர் மோடி தெரிவித்துள்ளார்.