இந்தியா- இலங்கை அணிகளுக்கு இடையே இரண்டாவது டி20 கிரிக்கெட் போட்டி இன்று நடைபெறுகிறது.
இலங்கையில் சுற்றுப்பயணம் மேற்கொண்டுள்ள இந்திய அணி ஒருநாள் தொடரை 2-1 என்ற கணக்கில் கைப்பற்றியது. நேற்று முன்தினம் நடைபெற்ற முதலாவது டி20 கிரிக்கெட் போட்டியில் 38 ரன்கள் வித்தியாசத்தில் இந்திய அணி வெற்றி பெற்றது.
இந்த நிலையில் இவ்விரு அணிகளுக்கு எதிரான 2-வது டி20 கிரிக்கெட் போட்டி இன்று இரவு 7 மணிக்கு கொழும்புவில் நடைபெறுகிறது.
இந்த ஆட்டத்திலும் வெற்றிபெற்று தொடரைக் கைப்பற்றும் முனைப்பில் இந்திய அணி உள்ளது. அதே நேரம் இன்றைய போட்டியில் வென்று தொடரை சமன் செய்ய இலங்கை அணி முயற்சிக்கும் என்பதால் போட்டி விறுவிறுப்பாக இருக்கும் என எதிர்பார்க்கப்படுகிறது.