சாம்பியன்ஸ் கோப்பை கால்பந்து தொடரின் இறுதி ஆட்டத்தில் செல்சீ எப்.சி அணி வெற்றி பெற்று 2-வது முறையாக சாம்பியன் பட்டத்தை கைப்பற்றியது.
முன்னணி ஐரோப்பிய கிளப் அணிகள் விளையாடும் சாம்பியன்ஸ் லீக் காலபந்து தொடர் கடந்த ஆண்டு ஜூன் மாதம் தொடங்கி பல்வேறு நகரங்களில் நடந்தது.
தேர்வான 32 அணிகளுக்கு இடையிலான லீக் ஆட்டங்கள் முடிந்து செல்சீ எப்.சி. மற்றும் மான்செஸ்டர் சிட்டி எப்.சி அணிகள் இறுதி போட்டிக்கு முன்னேறியது. விறுவிறுப்பாக தொடங்கிய ஆட்டத்தின் முதல் பாதியில் 42- வது நிமிடத்தில் செல்சீ வீரர் கெய் ஹவர்ட்ஸ் கோல் அடித்தார்.
இதனையடுத்து பதில் கோல் திருப்ப மான்செஸ்டர் அணி எடுத்த அனைத்து முயற்சிகளும் தோல்வியை தழுவியது. இறுதியில் 1-க்கு 0 என்ற கோல் கணக்கில் செல்சீ அணி 2-வது முறையாக பட்டத்தை வென்றது.