உலக கோப்பை துப்பாக்கி சுடுதல் போட்டியின் பதக்க பட்டியலில் இந்திய அணி முதலிடத்தை பிடித்தது. டெல்லியில் நடந்த பெண்களுக்கான 25 மீட்டர் பிஸ்டல் குழு பிரிவில் இந்திய வீராங்கனைகள் சிங்க்கி யாதவ், மானு பக்கர், ரகி சர்னோபாத் ஆகியோர் 17-க்கு 7 என்ற புள்ளிகள் கணக்கில் போலாந்து குழுவை வீழ்த்தி தங்கப் பதக்கம் வென்றனர்.
அதேபோல் நடந்த பெண்களுக்கான 50 மீட்டர் ரைபிள் மூன்று வடிவிலான குழு பிரிவு இறுதி ஆட்டத்தில் இந்திய வீராங்கனைகள் அஞ்சும், ஸ்ரேயா சக்சேனா, காயத்ரி நித்தியானந்தம் 43-க்கு 47 என்ற புள்ளிகள் கணக்கில் போலாந்து அணியிடம் தோல்வியை தழுவி வெள்ளிப் பதக்கத்தை வென்றனர்.
இதன் மூலம் பதக்க பட்டியலில் 10 தங்கம், 6 வெள்ளி, 5 வெண்கலம் உள்பட 21 பதக்கங்களை வென்று இந்திய அணி முதலிடத்துக்கு முன்னேறியது.