இந்திய டெஸ்ட் கிரிக்கெட் அணியில் நடராஜனை சேர்க்கலாம் ; நடராஜன் நன்றாக பந்து வீசுவதாகவும் டெண்டுல்கர் பாராட்டு

நடராஜனை ஆஸ்திரேலியாவுக்கு எதிரான டெஸ்ட் அணியிலும் சேர்க்க வேண்டும் என்று கிரிக்கெட்டின் ஜாம்பவான் தெண்டுல்கர் தெரிவித்துள்ளார்.

தமிழகத்தை சேர்ந்த முன்னணி வேகப்பந்து வீரர் டி.நடராஜன் ஆஸ்திரேலியாவுக்கு எதிரான கடைசி ஒருநாள் போட்டியில் 2 விக்கெட்டுகளை சாய்த்தார்.

20 ஓவர் தொடரில் அவர் 6 விக்கெட்டுகளை வீழ்த்தினார். இந்தியா தொடரை வெல்ல அவரது பந்துவீச்சு முக்கிய காரணமாக இருந்தது. இந்த நிலையில் நடராஜனின் பந்து வீச்சை தெண்டுல்கர் பாராட்டி உள்ளார்.

அவரை ஆஸ்திரேலியாவுக்கு எதிரான டெஸ்ட் அணியிலும் சேர்க்க வேண்டும் என்று கூறியுள்ளார். டெஸ்ட் அணியில் இஷான் சர்மா இடம்பெறாத நிலையில் அவரது இடத்தில் நடராஜனை சேர்ப்பது குறித்து பரிசீலிக்கலாம் என்று அவர் குறிப்பிட்டுள்ளார்.