ஐபிஎல் தொடரின் இன்றைய லீக் போட்டியில் மும்பை- பெங்களூர் அணிகள் மோதுகின்றன.
அபுதாபியில் நடைபெற உள்ள இப்போட்டி இந்திய நேரப்படி இரவு 7.30 மணிக்கு தொடங்குகிறது. தலா 7 வெற்றிகளுடன் புள்ளிப்பட்டியலில் மும்பை அணி முதலிடத்திலும், பெங்களூர் அணி இரண்டாவது இடத்திலும் உள்ளது.
இன்றைய போட்டியில் வென்று பிளே ஆப் சுற்றுக்கான வாய்ப்பை உறுதி செய்ய இரு அணிகளும் தீவிரம் காட்டி வருகின்றன. காயத்தால் அவதிப்பட்டு வரும் மும்பை அணியின் கேப்டன் ரோகித் சர்மா, இன்றைய போட்டியிலும் பங்கேற்கமாட்டார் என தகவல் வெளியாகியுள்ளது. முன்னதாக இரு அணிகளும் மோதிய லீக் போட்டியில் பெங்களூர் அணி, சூப்பர் ஓவரில் வெற்றி பெற்றது.