ஐபிஎல் தொடரின் இன்றைய லீக் போட்டியில் பஞ்சாப் மற்றும் கொல்கத்தா அணிகள் மோதுகின்றன.
ஷார்ஜாவில் நடைபெறும் போட்டி, இந்திய நேரப்படி இரவு 7.30 மணிக்கு தொடங்குகிறது. 6 வெற்றிகளுடன் கொல்கத்தா அணி புள்ளிப்பட்டியலில் 4வது இடத்திலும், 5 வெற்றிகளுடன் பஞ்சாப் அணி 5வது இடத்திலும் உள்ளது.
இரு அணிகளும் இன்றைய போட்டியில் வெற்றி பெற்று, பிளே ஆப் சுற்றுக்கான வாய்ப்பை உறுதி செய்யும் நோக்கில் களமிறங்க உள்ளன. முன்னதாக, இரு அணிகளும் மோதிய லீக் போட்டியில், கொல்கத்தா அணி 2 ரன்கள் வித்தியாசத்தில் வெற்றி பெற்றது குறிப்பிடத்தக்கது.