ஐ.பி.எல். போட்டியில் மும்பையை வீழ்த்தி இரண்டாவது சூப்பர் ஓவரில் பஞ்சாப் அணி வெற்றி

மும்பை அணிக்கு எதிரான ஐ.பி.எல். கிரிக்கெட் போட்டியில், இரண்டாவது சூப்பர் ஓவரில் பஞ்சாப் அணி வெற்றி பெற்றது.

துபாயில் நடைபெற்ற ஆட்டத்தில் டாஸ் வென்ற மும்பை அணி பேட்டிங்கைத் தேர்வு செய்தது. 20 ஓவர்கள் முடிவில் அந்த அணி 6 விக்கெட் இழப்பிற்கு 176 ரன்கள் எடுத்தது. அதிகபட்சமாக டிகாக் 53 ரன்களும், க்ருணால் பாண்டியா 34 ரன்களும் சேர்த்தனர்.

தொடர்ந்து ஆடிய பஞ்சாப் அணியில் ராகுல் அதிரடியாக விளையாடி 77 ரன்கள் குவித்தார். 20வது ஓவர் முடிவில் அந்த அணியும் 6 விக்கெட் இழப்பிற்கு 176 ரன்கள் எடுத்தால் ஆட்டம் சமனில் முடிந்தது.

வெற்றி யாருக்கு என்பதைத் தீர்மானிக்க நடைபெற்ற சூப்பர் ஓவரில் இரு அணிகளும் சமநிலையில் இருந்ததால், இரண்டாவது சூப்பர் ஓவர் வீசப்பட்டது. இதில் பஞ்சாப் அணி வெற்றி பெற்றதாக அறிவிக்கப்பட்டது.