ஐ.பி.எல். தொடரில் இன்று சென்னை-ஐதராபாத் அணிகள் மோதல்... தொடர் தோல்வியில் இருந்து சென்னை அணி மீளுமா என எதிர்பார்ப்பு

ஐபிஎல் தொடரின் இன்றைய லீக் போட்டியில் சென்னை- ஐதராபாத் அணிகள் மோதுகின்றன.

துபாயில் நடைபெற உள்ள இந்த போட்டி, இந்திய நேரப்படி இரவு 7.30 மணிக்கு தொடங்குகிறது. இதுவரை, இரு அணிகளும் 13 முறை நேருக்கு நேர் மோதியதில், சென்னை அணி 9 முறை வெற்றி பெற்றுள்ளது. நடப்பு தொடரில், 3 வெற்றிகளுடன் ஐதராபாத் அணி புள்ளிப்பட்டியலில் 5வது இடத்திலும், 2 வெற்றிகளுடன் சென்னை 7வது இடத்திலும் உள்ளது.

தொடர் தோல்விகளை சந்தித்து வரும் சென்னை அணி பிளே-ஆப் சுற்றுக்கு தகுதிபெற, மீதமுள்ள அனைத்து போட்டிகளிலும் வெற்றி பெற வேண்டியது அவசியமாக உள்ளதால், இப்போட்டி ரசிகர்கள் இடையே அதிக எதிர்பார்ப்பை ஏற்படுத்தியுள்ளது.