ஸ்பெயினில் நடந்த சர்வதேச தடகள போட்டியில் இரு சாதனைகள் நிகழ்த்தப்பட்டுள்ளன. அந்நாட்டின் வேலன்சியா நகரில் உள்ள துரியா ஸ்டேடியத்தில் நடந்த தடகள போட்டியின் மகளிர் 5000 மீட்டர் ஓட்டத்தில் எத்தியோப்பியா நாட்டை சேர்ந்த தடகள வீராங்கனை லெடிசென்பெட் கிடி பந்தய தொலைவை 14 நிமிடங்கள் 6.62 வினாடிகளில் கடந்து உலக சாதனையை படைத்தார்.
இதையடுத்து நடைபெற்ற ஆடவருக்கான 10 ஆயிரம் மீட்டர் ஓட்டத்தில் உகாண்டா நாட்டை சேர்ந்த தடகள வீரர் ஜோசுவா செப்டெகி 26 நிமிடங்கள் 11.02 வினாடிகளில் பந்தய இலக்கை கடந்து புதிய சாதனை படைத்தார்.
கடந்த 2005ம் ஆண்டு எத்தியோப்பியா நாட்டை சேர்ந்த தடகள வீரர் கெனெனிசா பெகெலே 26 நிமிடங்கள் 17.53 வினாடிகளில் பந்தய இலக்கை கடந்திருந்தது உலக சாதனையாக இருந்தது. இதனை ஜோசுவா முறியடித்து உள்ளார்.