ஐபிஎல் தொடரில் கொல்கத்தா அணிக்கு எதிரான ஆட்டத்தில் மும்பை அணி 49 ரன்கள் வித்தியாசத்தில் வெற்றி பெற்றது.
டாஸ் வென்ற கொல்கத்தா அணி பந்துவீச்சைத் தேர்வு செய்தது. இதையடுத்து, களமிறங்கிய மும்பை அணியில், சூர்யகுமார் யாதவ் 47 ரன்கள் சேர்க்க , அதிரடியாக ஆடிய ரோகித் சர்மா 6 சிக்சர்களுடன் 80 ரன்களைக் குவித்தார்.
20 ஓவர்கள் முடிவில் மும்பை அணி 5 விக்கெட்டுக்கள் இழப்பிற்கு, 195 ரன்களை குவித்தது.
தொடர்ந்து, களமிறங்கிய கொல்கத்தா அணியில் அதிகபட்சமாக பாட் கம்மின்ஸ் 33 ரன்களும், தினேஷ் கார்த்திக் 30 ரன்களும் எடுக்க, மற்ற வீரர்கள் சொற்ப ரன்களில் வெளியேறினர்.
இதையடுத்து, அந்த அணி 9 விக்கெட்டுகள் இழப்பிற்கு 146 ரன்களை மட்டும் எடுத்து தோல்வியை தழுவியது. ஆட்டநாயகனாக ரோகித் சர்மா தேர்வு செய்யப்பட்டார்.