துபாயில் நடைபெறவிருந்த ஐசிசி கூட்டம், கொரோனா அச்சுறுத்தல் காரணமாக ஒத்திவைக்கப்பட்டுள்ளது.
ஐசிசி எனப்படும் சர்வதேச கிரிக்கெட் கவுன்சில் நிர்வாக கூட்டம் வருகிற 26 முதல் 29ஆம் தேதி வரை என 4 நாட்கள் நடத்த திட்டமிடப்பட்டிருந்தது. இந்நிலையில் உலகை அச்சுறுத்திவரும் கொரோனா காரணமாக இந்த கூட்டம் மே மாதத்துக்கு ஒத்திவைக்கப்பட்டுள்ளது.
ஏதேனும் முக்கியமான அவசர முடிவுகள் எடுப்பதாக இருந்தால் மட்டும் கான்பரன்ஸ் அழைப்புகள் மூலம் கலந்தாலோசித்துக்கொள்ளவும் திட்டமிடப்பட்டுள்ளது. துபாயில் மார்ச் 3ஆம் தேதி நடைபெறவிருந்த ஆசிய கிரிக்கெட் கவுன்சில் கூட்டம் ஏற்கனெவே ஒத்திவைக்கப்பட்டிருந்தது குறிப்பிடத்தக்கது.