நியூசிலாந்துக்கு எதிரான தொடரை இழந்தபோதும், டெஸ்ட் தர வரிசையில் இந்திய அணி முதலிடத்தை பிடித்துள்ளது.
சர்வதேச டெஸ்ட் கிரிக்கெட் போட்டிகள் விளையாடும் அணிகளுக்கான தரவரிசை பட்டியலை ஐசிசி வெளியிட்டுள்ளது. இதில், 116 ரேட்டிங் பெற்றுள்ள இந்திய அணி முதலிடத்தில் உள்ளது. இந்தியாவுக்கு எதிரான 2 போட்டிகள் கொண்ட டெஸ்ட் தொடரை வென்ற நியூசிலாந்து அணி, 110 ரேட்டிங்குகளுடன் 2ஆவது இடத்தை பிடித்துள்ளது.
ஆஸ்திரேலியா மற்றும் இங்கிலாந்து அடுத்தடுத்த இடங்களை பிடித்துள்ளன. டெஸ்ட் பேட்ஸ்மேன்களுக்கான தர வரிசையில் கேப்டன் விராட் கோலி இரண்டாவது இடத்தில் உள்ளார். ஆஸ்திரேலிய வீரர் ஸ்டீவ் ஸ்மித், இப்பட்டியலில் முதலிடத்தில் உள்ளார்.