இந்தியாவுக்கு எதிரான ஒருநாள் தொடர்: அணிக்கு திரும்பும் மிக முக்கிய வீரர்

இந்தியாவுக்கு எதிரான ஒருநாள் கிரிக்கெட் தொடரில் விளையாடவுள்ள தென் ஆப்பிரிக்க கிரிக்கெட் அணி அறிவிக்கப்பட்டுள்ளது.

இந்தியாவுக்கு சுற்றுப்பயணம் மேற்கொள்ள தென் ஆப்பிரிக்க அணி, 3 போட்டிகள் கொண்ட ஒருநாள் தொடரில் விளையாடவுள்ளது. வருகிற 12ஆம் தேதி தொடர் தொடங்கவுள்ள நிலையில், இதற்கான 15 பேர் கொண்ட தென் ஆப்பிரிக்க அணி அறிவிக்கப்பட்டுள்ளது.

ஆஸ்திரேலிய தொடரில் விளையாடாத டு பிளெசிஸ் மற்றும் ரஸ்ஸி வான் டெர் துசென் ஆகியோர், மீண்டும் அணிக்கு திரும்பியுள்ளனர்.

குயின்டன் டீ காக் கேப்டனாக செயல்படும் இத்தொடரில், ஜார்ஜ் லிண்டே எனும் இடது கை சுழற்பந்துவீச்சாளர் அறிமுக வீரராக அணியில் இணைந்துள்ளார். காயம் காரணமாக பந்துவீச்சாளர் ரபாடா விளையாடமாட்டார் என ஏற்கெனவே அறிவிக்கப்பட்டிருந்தது குறிப்பிடத்தக்கது.