தோர் (Thor) சூப்பர் ஹீரோ கதாபாத்திரம் மூலம் பிரபலமான நடிகர் கிறிஸ் ஹெம்ஸ்வொர்த், ஆஸ்திரேலியாவின் புதர்த் தீ நிவாரண உதவிக்காக 7 கோடி ரூபாய் நிதி வழங்கியுள்ளார்.
இது தொடர்பாக இன்ஸ்டாகிராமில் அவர் பதிவிட்டுள்ள வீடியோவில், பெரும் அழிவை ஏற்படுத்தியுள்ள இந்த சவாலான சூழ்நிலையில் புதர்த் தீக்கு எதிராக போராடி வரும் தீயணைப்பு வீரர்கள் மற்றும் தொண்டு நிறுவனங்களுக்கு ஆதரவாக தான் இருக்க விரும்புவதாக தெரிவித்துள்ளார்.
மேலும் உலக மக்கள் அனைவரின் வேண்டுதல்களும் நிதியுதவிகளும் பாராட்டுதலுக்கு அப்பாற்பட்டது என்று ஆஸ்திரேலிய நாட்டைச் சேர்ந்த ஹாலிவுட் நடிகர் கிறிஸ் ஹெம்ஸ்வொர்த் தனது வீடியோவில் குறிப்பிட்டுள்ளார்.