கிழக்கு உக்ரைனில் ரஷ்ய படைகள் நடத்திய ஏவுகணைத் தாக்குதலில், 8 பேர் உயிரிழந்த நிலையில் 21 பேர் காயமடைந்தனர்.
ஸ்லோவியன்ஸ்க் நகரில் ரஷ்ய படைகள் S-300 ரக ஏவுகணைகளை வீசி தாக்குதல் நடத்தியது. இதில், அடுக்குமாடி குடியிருப்பு கட்டிடங்கள் இடிந்து தரைமட்டமானது. இடிபாடுகளில் சிக்கியுள்ளவர்களை மீட்கும் பணி துரிதப்படுத்தப்பட்டு உள்ளது.
ஓராண்டுக்கு மேலாக நடைபெற்றுவரும் போரில், பாக்முட் நகரை நாலாபுறமும் சூழ்ந்து ரஷ்ய படைகள் தாக்குதல் நிகழ்த்திவரும் நிலையில், ஸ்லோவியன்ஸ்க் நகரையும் கைப்பற்ற ரஷ்யா கடுமையாகப் போராடி வருகிறது.