லாஸ் ஏஞ்சல்ஸில் நாளை நடைபெறும் 95-வது ஆஸ்கர் விருது விழாவில் நாட்டு நாட்டு பாடலுக்கு நடனமாட இருப்பதாக அமெரிக்காவை சேர்ந்த நடிகையும், நடனக் கலைஞருமான லாரன் காட்லீப் அறிவித்துள்ளார்.
கோல்டன் குளோப் உட்பட பல்வேறு விருதுகளை வாங்கி குவித்துள்ள ஆர்.ஆர்.ஆர். திரைப்படத்தில் இடம் பெற்ற நாட்டு நாட்டு பாடல் ஆஸ்கர் விருதுக்கும் பரிந்துரைக்கப்பட்டுள்ளது.
இந்நிலையில் உலகின் மதிப்பு மிக்க மேடையில் இந்தியாவைப் பிரதிநிதப்படுத்துவதில் தான் மிகவும் உற்சாகமாக இருப்பதாக லாரன் காட்லீப் தனது இன்ஸ்டாகிராம் பக்கத்தில் தெரிவித்துள்ளார்.