ஜோர்டனில் நான்கு அடுக்கு கட்டிடம் இடிந்த விபத்தில், இடிபாடுகளில் சிக்கிய 4 மாத பெண் குழந்தை பத்திரமாக மீட்கப்பட்ட வீடியோ வெளியாகியுள்ளது.
கடந்த புதன்கிழமை தலைநகர் அம்மானில் உள்ள கட்டிடம் இடிந்து விபத்துக்குள்ளானது. அக்கட்டிடத்தில் வசித்து வந்த பெண்ணின் 4 மாத பெண் குழந்தை 24 மணி நேரத்திற்கு மேலாக இடிபாடுகளில் சிக்கியிருந்த நிலையில், அதிர்ஷ்டவசமாக உயிர்தப்பிய குழந்தையை மீட்புக் குழுவினர் போராடி மீட்டனர்.
இதனிடையே, அங்கு கடந்த 4 நாட்களாக நடைபெற்று வந்த மீட்பு பணி நிறைவடைந்த நிலையில், உயிரிழந்தோர் எண்ணிக்கை 14 ஆக அதிகரித்துள்ளது.