செர்னிகிவ் நகரில் ரஷ்ய ராணுவத்தினரால் புதைக்கப்பட்ட கண்ணிவெடியை குட்டி மோப்ப நாய் ஒன்று கண்டறியும் காணொளியை உக்ரைன் ராணுவம் வெளியிட்டுள்ளது.
செர்னிகிவ் நகரில் இருந்து ரஷ்ய படைகள் விலகியதை தொடர்ந்து அங்கு வந்த உக்ரைனிய ராணுவத்தினர், ரஷ்ய வீரர்களால் புதைக்கப்பட்ட கண்ணிவெடிகளை அகற்றும் பணியில் ஈடுபட்டனர்.
கண்ணிவெடிகளை கண்டறியும் பிரிவில் ஈடுபடுத்தப்பட்டுள்ள இந்த 2 வயது ரசல் டெரியர் (Russell Terrier) இன மோப்ப நாய், இதுவரை நூற்றுக்கணக்கான கண்ணிவெடிகளை தனது அபார மோப்ப சக்தியால் கண்டுபிடித்துள்ளது.