ஐக்கிய அரபு அமீரக தலைநகர் அபுதாபியின் விமான நிலையப் பகுதிக்கு அருகே நிகழ்த்தப்பட்ட வான்வழித் தாக்குதலில் 2 இந்தியர்கள் உள்ளிட்ட 3 பேர் உயிரிழந்ததாக தகவல் வெளியாகி உள்ளது.
முசாபா பகுதியில் நிகழ்த்தப்பட்ட தாக்குதலில் அபுதாபி தேசிய எண்ணெய் நிறுவனத்திற்கு அருகே நின்ற எரிபொருள் டேங்கர் லாரிகள் வெடித்துச் சிதறியது. இதனை தொடர்ந்து, அபுதாபி விமான நிலையத்தின் கட்டுமானப் பகுதியில் தீ பரவி விபத்து ஏற்பட்டதாக காவல்துறையினர் தெரிவித்துள்ளனர்.
இந்த தாக்குதலுக்கு ஹவுதி கிளர்ச்சியாளர்கள் பொறுப்பேற்றுள்ள நிலையில், சம்பவ இடத்தில் சிறிய ரக விமானத்தின் பாகங்கள் கண்டறியப்பட்டுள்ளதால், இது ட்ரோன் தாக்குதலாக இருக்கலாம் என காவல்துறையினர் குறிப்பிட்டுள்ளனர்.
இந்த சம்பவத்தில் இரு இந்தியர்கள், ஒரு பாகிஸ்தானியர்கள் உயிரிழந்ததாகவும் 6 பேர் காயமடைந்துள்ளதாகவும் தகவல் வெளியாகி உள்ளது.