ஆஸ்திரேலியாவிலிருந்து வெளியேற்றம்-ஜோகோவிச்சுக்கு ஆதரவு தெரிவித்து ஒளிரூட்டப்பட்ட அடுக்குமாடி கட்டிடம்

தடுப்பூசி செலுத்தாததால் ஆஸ்திரேலியாவில் இருந்து வெளியேற்றப்பட்ட நோவக் ஜோகோவிச்சுக்கு ஆதரவு தெரிவிக்கும் விதமாக செர்பிய தலைநகர் பெல்கிரேடில் உள்ள அடுக்குமாடி கட்டிடம் ஒளிரூட்டப்பட்டது.

ஆடவர் பிரிவில் அதிக கிராண்ட் ஸ்லாம் பட்டம் வென்று சாதிக்க காத்திருந்த ஜோகோவிச்சை ஆஸ்திரேலிய அரசு தடுப்பூசி செலுத்தாததால் நாட்டை விட்டு வெளியேறுமாறு உத்தரவிட்டது.

துபாய் வழியாகத் தாயகம் திரும்பும் ஜோகோவிச்சை வரவேற்கும் விதமாக அந்நாட்டின் உயரமான அடுக்குமாடி கட்டிடத்தில், ”செர்பிய நாட்டின் பெருமை ஜோகோவிச்” என அந்நாட்டு தேசிய கொடியின் வண்ணத்தினால் ஆன LED விளக்குகளால் ஒளிரூட்டப்பட்டது.