அமெரிக்காவில் உயர்நிலைப் பள்ளியில் சக மாணவன் நடத்திய துப்பாக்கிச் சூட்டில் 3 மாணவர்கள் கொல்லப்பட்டனர்.
மிச்சிகனில் உள்ள ஆக்ஸ்போர்டு உயர் நிலைப் பள்ளியில் 15 வயது மாணவன் ஒருவன் தான் வைத்திருந்த கைத்துப்பாக்கியால் சக மாணவர்களை நோக்கி சரமாரியாகச் சுட்டான்.
இதில் 17 மற்றும் 14 வயதுடைய இரு மாணவிகளும், 16 வயது மதிக்கத்தக்க ஒரு மாணவனும் கொல்லப்பட்டனர். மேலும் துப்பாக்கிச் சூட்டில் ஒரு ஆசிரியர் உள்பட 8 பேர் படுகாயமடைந்தனர். துப்பாக்கிச் சூடு சம்பவத்திற்கு அமெரிக்க அதிபர் ஜோ பைடன் கண்டனமும், இறந்தவர்கள் குடும்பத்திற்கு இரங்கலும் தெரிவித்துள்ளார்.