தென்கிழக்கு ஸ்பெயின் நகரமான பெனிஸ்கோலாவில் இடிந்து விழுந்த கட்டிடத்தில் 140 க்கும் மேற்பட்ட தீயணைப்பு மற்றும் மீட்பு வீரர்கள் நடத்திய மீட்புப் பணியில், இடிபாடுகளுக்குள் சிக்கியிருந்த ஒரு நபர் உயிருடன் மீட்கப்பட்டார்.
புதன்கிழமை அன்று இந்த 3 மாடி கட்டிடம் இடிந்து விழுந்தது. அதில் சிக்கி உயிரிழந்த 15 வயது சிறுவனின் உடல் இன்று காலை கண்டிபிடிக்கப்பட்ட நிலையில், காணாமல் போன மற்றோர் நபரை கண்டுபிடிக்கும் பணி மிகவும் ஜாக்கிரதையுடன் மேற்கொள்ளப்பட்டது.