ஆற்றில் குளித்துக்கொண்டிருந்த சிறுவனை விழுங்கிய முதலை : அறுவை சிகிச்சை மூலம் முதலையின் வயிற்றை கிழித்து சிறுவனின் உடல் மீட்பு

இந்தோனேசியாவில் ஆற்றில் குளித்துக்கொண்டிருந்த சிறுவனை விழுங்கிய முதலையின் வயிற்றை கிழித்து அச்சிறுவனின் உடலை போலீசார் மீட்டனர். போர்னியா தீவில், இரு சிறுவர்கள் தந்தையுடன் ஆற்றில் குளித்துக்கொண்டிருந்தனர்.

அப்போது அங்குவந்த முதலை ஒன்று 8 வயது சிறுவனின் காலை பிடித்து இழுத்தது. இதனை கண்ட சிறுவனின் தந்தை, முதலையிடமிருந்து சிறுவனை காப்பாற்ற முயற்சி செய்தார். ஆனால் இறுதியில் அந்த முதலை, சிறுவனை விழுங்கிவிட்டது.

தீயணைப்பு படையினருடன், அச்சிறுவனின் தந்தை ஆறு முழுவதும் தேடி 6 அடி நீளமுள்ள ராட்ச முதலையை இறந்த நிலையில் பிடித்தனர், உடனடியாக முதலையை குப்புறப்போட்டு, அறுவை சிகிச்சை மூலம் துண்டுத்துண்டாக இருந்த சிறுவனின் உடலை மீட்டனர்.