தன் பாரம்பரிய முறையில் டை அணிந்து வந்த மவோரி கட்சி துணை தலைவர்: இனி டை அணிவது கட்டாயமில்லை என பின்வாங்கிய நியூசிலாந்து சபாநாயகர்

நியூசிலாந்து பாராளுமன்றத்தில் கழுத்துக்கு டை அணிவது கட்டாயமில்லை என சபாநாயகர் தெரிவித்து உள்ளார்.

நியூசிலாந்து பாராளுமன்றத்தில் டை அணியாமல் வந்ததற்காக மவோரி கட்சியின் துணை தலைவர் ராவிரி வெய்ட்டிக்கு பேச வாய்ப்பு மறுக்கப்பட்டு, அவையில் இருந்து வெளியேற்றப்பட்டார்.

இதையடுத்து பாராளுமன்றத்தில் டை அணிவது கட்டாயம் என்று சபாநாயகர் உத்தரவிட்டார். இந்த நிலையில் அண்மையில் பாராளுமன்றம் மீண்டும் கூடிய நிலையில் வெய்ட்டி தனது மலைவாழ் பாரம்பரிய பட்டை முறை டை அணிந்தும், முகத்தில் டாட்டோ வரைந்தும் அவைக்குள் நுழைந்தார்.

இதைக் கண்டு அரண்டு போன நியூசிலாந்து சபாநாயகர் இனி பாராளுமன்றத்தில் டை அணிவது கட்டாயமில்லை என்று பின்வாங்கினார்.